Монгол эрийн хийморь

Их аварга Дагвадорж гахайн ханиад тусахаас болгоомжлон сүмогийн бэлтгэлийн автобусанд суухаас татгалзсаны улмаас ээлжит зэмлэл бангаа сүмогийн холбооноос хүртээд байна”, “Асашёорюү Японы “NTY” телевизийн шоу нэвтрүүлэгт Чингис хааны дүрийг бүтээж тус шоуны 2009 оны шилдэгийн шилдэг номинацид нэр дэвшээд байна”.

Энэ бол их аварга Давгадоржтой холбоотой гарсан хамгийн сүүлийн үеийн мэдээллүүд. Өнгөрсөн сард өөрийн блогтоо эхнэрээсээ салсан тухайгаа албан ёсоор зарлаж, эргэн нийлнэ гэсэн гүн итгэлтэй сууж байсан эхнэр Г.Тамирыгаа гэнэтийн шоконд оруулж байсан Давгадоржийг тойрсон дуулиан ойрын үед л лав тасрахгүй болох нь дээрхи хоёр үйл явдалаас тодорхой харагдаж байгаа юм.

Гэхдээ эдгээр дуулиан шуугианаас гадна бас нэг цочир мэдээлэл Япон, Монгол хоёр орны хэвлэлийнхэний чихийг дэлдийлгэж нүдийг бүлтийлгэхээр болжээ.

Давгадоржийн гэрлэлтээ цуцлуулж байгаагаа цочир мэдэгдэн, анхны хайрын эзэн монгол бүсгүйгээ хоёр нялх үрийнхээ хамт өнчрүүлэх болсон цаад шалтгаан нь саяханаас тодорхой болоод байгаа юмсанж. Уг шалтгаан  нь Японы бизнесийн ертөнцөд нөлөө бүхий нэг томоохон корпорацийн эзний охин дээр зангирч байгаа аж.

Их аваргын ирээдүйн хань болох нь нэгэнт тодорхой болсон япон бүсгүй саяхан Асашёорюүг албан ёсоор аав ээжтэйгээ танилцуулжээ. Япон хүүхнүүд угаасаа эртнээс улбаатай эцгийн эрхт ёсонд хатуу захирагддаг, нөхрийнхөө өөдөөс үг хэлэх нь бүү хэл эгцлэн харж ч зүрхэлдэггүй, эр нөхрийнхөө өмд гутлаас өгсүүлээд малгай сэлтийг бурхан шүтээн адил нандигнан дээдэлдэг чанар нь олон жил Япон улсад амьдарч, хатуу дэг жаяг ёсоор нь сэтгэж дассан аваргын сэтгэлд ихэд нийцэн өөрийн эрхгүй татагдсан бололтой.

Хоёр үрээ тэврэн хар залуугаараа өрх толгойлон хоцорч байгаа Тамир бүсгүйн хувь заяа дэндүү хөөрхийлөлтэй ч монгол эмэгтэйн мяндсан ухаан гаргаж, эхнэр хүний халуун дулаан хайр халамжийг хань нөхөртөө ханатал эдлүүлж чадаагүйн харгайг ийнхүү алд биеэрээ үүрч барах болж дээ гэхээс өөр яах билээ.

Алаг үрсийн нь эцэг, анхныхаа ханийн сэтгэлийг татах өчүүхэн ч сэжүүр гаргахгүй хирнээ хардалт сэрдэлтийн хилэнт үгс унагаж, хаа хамаагүй хүмүүстэй холбосон хар мэдээллийг таньдаг мэддэг хүмүүсээрээ дамжуулан хэвлэл мэдээллээр цацуулж суудаг гэх яриа таньж мэдэх хүмүүсийн нь хүрээнд явдаг нь ч үүнийг нотлох биз ээ. Хүүхэд байхаасаа эхлээд л япон хүмүүсийн дунд амьдарч сүмод барилдангаа дотоод сэтгэхүйгээрээ япон хүн шиг болж хүмүүжсэн залууст маань ёс журамтай, даруу төлөв япон хүүхнүүд омголон догшин монгол хүүхнүүдээс ойр буудаг нь тодорхой.

Тиймдээ ч Монголын нэрийг арлын оронд дуурсгасан залуус маань япон бүсгүйчүүдийг амьдралын ханиараа эргэлзэх юмгүй сонгоод байгаа биз ээ. Цэвэгням, Даваажаргал хоёрын араас ийнхүү их аварга Давгадорж маань Япон улсын хүргэн болох нь тодорхой болоод байна. Хоёр их аваргыг маань бугуйлдан өөрийн орны харъяат болгох самурай нарын туйлын зорилго ч биелж эхлээд байх шиг байна

admin Монгол бөх